Liðsstjóri McLaren, Eric Boullier, væntir talsverðs af sínum mannskap í Mónakókappakstrnium komandi helgi. Hann segir aðstæður ættu að henta McLarenbílnum „betur en í öðrum brautum“.

Hondavélin hefur bæði þótt standa öðrum að baki hvað varðar afl og endingartraust. Vélarafl skiptir hins vegar ekki eins miklu máli á götum furstadæmisins við Miðjarðarhaf en í öðrum brautum.

Tekur því Boullier undir með ökumanninum Fernando Alonso sem vonast til að sanna að bíllinn sjálfur sé góður og því þurfi aðeins meira afl til að hann standi í hárinu á þeim bestu annars staðar.

Boullier segir að uppsetning bíla fyrir kappaksturinn í Mónakó sé viðkvæm formúla af „vængpressu, meðfærileika og jafnvægi“. Lítið megi af bregða í þeim efnum eigi bíll að vera öflugur  á götum smáríkisins.

Tengdar fréttir

Formúla-1/McLaren

Ricciardo til McLaren

• Sainz í stað Vettels
• Honda hindrar Alonso
• Grunnvandi McLaren úr sögunni
• Häkkinen snýr aftur

» Fleiri tengdar fréttir

• Blogga um frétt