Síðasti kappakstur Palmer með Renault

Carlos Sainz verður ekki í þessum keppnisfötum eftir morgundaginn.
Carlos Sainz verður ekki í þessum keppnisfötum eftir morgundaginn. AFP

Renault og Toro Rosso hafa komist að samkomulagi um að Carlos Sainz þurfi ekki að bíða til nýs árs til að komast í Renaultbílinn. Hann mun keppa fyrir liðið í næsta móti, bandaríska kappakstrinum í Austin.

Sainz mun klára vertíðina í keppnisgalla Renault, þ.e. fjögur síðustu mótin.  Þetta þýðir með öðrum orðum að breski ökumaðurinn Jolyon Palmer ekur á morgun í Suzuka í síðasta sinn á Renaultbílnum.

Palmer skýrði frá þessum vistaskiptum á spjallsíðu sinni og  strax í kjölfarið kom tilkynning frá Renault um málið. Þar var Jolyon þökkuð dygg þjónusta í tvö ár.

mbl.is