Tore Andre Flo leggur skóna á hilluna

Tore Andre Flo, einn þekktasti knattspyrnumaður Norðmanna, er hættur að leika knattspyrnu sem atvinnumaður en frá þessu er greint á heimasíðu enska 2. deildarliðsins Leeds. Flo er 34 ára gamall og segir hann í yfirlýsingu á heimasíðu Leeds að hann hafi ekki náð að vinna sér fast sæti í Leeds liðinu og það hafi leitt til  þess að hann fór á fund með forráðamönnum liðsins og samdi um starfslok sín hjá félaginu.

Hann samdi við Leeds í janúar á s.l. ári en knattspyrnustjóri Leeds, Dennis Wise, lék með Flo á sínum tíma hjá Chelsea. Flo hefur komið víða við á ferlinum og leikið með Stryn, Sogndal, Tromsø, Brann, Chelsea, Rangers, Sunderland, Siena, Vålerenga og Leeds.

Flo lék 76 landsleiki fyrir Noreg og skoraði hann 23 mörk. 

• 1 blogg um fréttina

Bloggað um fréttina

• Brynjar Hólm Bjarnason: Það eru svo...