Rússneska knattspyrnuliðið Zenit St. Petersburg hefur hafnað tilboði frá Barcelona upp á 15 milljónir evra í sóknartengiliðinn Andrey Arshavin.
„Okkur fannst tilboðið ekki nógu gott og slitum því samningaviðræðum,“ segir á vefsíðu rússneska félagsins. „Það hafa ekki borist tilboð frá öðrum liðum á okkar borð í Arshavin, þannig það er ekkert í kortunum að hann sé á leið frá okkar liði. Að minnsta kosti ekki að okkar hálfu á þessari stundu.“
Hollenski þjálfarinn Dick Advocaat sem þjálfar Zenit hefur gefið það út að hann neiti að nota Arshavin þar til hann hefur gert upp hug sinn með framtíð sína.