Ísland mætir Evrópumeisturum Þýskalands ásamt Noregi og Hollandi í úrslitakeppni Evrópumóts kvenna í knattspyrnu næsta sumar en dregið var í riðla í Gautaborg rétt í þessu.
Ísland var líka með Þýskalandi og Noregi í riðli í úrslitakeppni Evrópumótsins í Finnlandi 2009 og tapaði þá 0:1 fyrir báðum liðunum.
Ísland er eitt tólf liða sem leika um Evrópumeistaratitilinn í Svíþjóð dagana 10.-28. júlí. Liðin 12 voru dregin í þrjá riðla, með fjórum liðum hver. Eitt lið úr styrkleikaflokki 1, eitt úr styrkleikaflokki 2 og tvö úr styrkleikaflokki 3 fóru í hvern riðlanna þriggja.
Styrkleikaflokkur 1:
Svíþjóð, Þýskaland, Frakkland.
Styrkleikaflokkur 2:
England, Noregur, Ítalía.
Styrkleikaflokkur 3:
Ísland, Danmörk, Finnland, Spánn, Rússland, Holland.
Niðurstaðan varð þessi:
A-RIÐILL:
Svíþjóð
Ítalía
Danmörk
Finnland
Leikið í Gautaborg og Halmstad.
B-RIÐILL:
Þýskaland
Noregur
Holland
Ísland
Leikið í Växjö og Kalmar.
C-RIÐILL:
Frakkland
England
Rússland
Spánn
Leikið í Norrköping og Linköping.
Tvö efstu lið í hverjum riðli komast í átta liða úrslit, ásamt þeim tveimur liðum sem ná bestum árangri í þriðja sæti.
Liðin sem falla út eru því neðsta liðið í hverjum riðli og liðið sem verður með lakastan árangur í þriðja sæti.