Íþróttir | Fótbolti | mbl | 15.9.2014 | 8:14 | Uppfært 9:01

Hjörtur Logi með flestar stoðsendingar í Noregi

Hjörtur Logi Valgarðsson á ferðinni í leik með Sogndal.
Hjörtur Logi Valgarðsson á ferðinni í leik með Sogndal. Ljósmynd/Sogndalfotball.no

Vinstri bakvörðurinn Hjörtur Logi Valgarðsson hefur reynst drjúgur fyrir lið sitt Sogndal í norsku úrvalsdeildinni í knattspyrnu. Hann lagði upp eina mark liðsins í jafntefli við Aalesund í gær.

Hjörtur Logi hefur nú lagt upp 8 mörk í deildinni í ár, í 20 leikjum, og hefur enginn átt fleiri stoðsendingar. Petter Vaagan Moen hjá Lilleström og Christian Grindheim hjá Vålerenga hafa lagt upp jafnmörg mörk en gert það í fleiri leikjum.

Hjörtur Logi gekk í raðir Sogndal í nóvember í fyrra eftir að hafa verið hjá IFK Gautaborg í Svíþjóð. Hjá Sogndal hitti hann fyrir fyrrverandi þjálfara sinn hjá Gautaborg, Jonas Olsson, sem fékk bakvörðinn frá FH árið 2011.

Hjörtur Logi er 26 ára gamall. Hann á að baki 8 A-landsleiki en þann síðasta lék hann í nóvember 2012.

mbl.is

Bloggað um fréttina

Fleira áhugavert
„Það er ekki leiðum að líkjast“ Áfram launastuðningur til ágústloka „Ég bara hrein­lega sagt man það ekki“ Færa sig af neyðarstigi á hættustig
Fleira áhugavert
Katrín og Halla Tómasdóttir að stinga af Fékk ekki að kjósa á kjörstað Áfram launastuðningur til ágústloka „Ég bara hrein­lega sagt man það ekki“