Jórdanski prinsinn Ali bin al Hussein gerir að óbreyttu aðra tilraun til að verða forseti FIFA, Alþjóðaknattspyrnusambandsins, í kjölfarið á afsögn Sepps Blatters í gær.

Ali beið lægri hlut fyrir Blatter, 73:133, í forsetakjörinu í Zürich síðasta föstudag. Ali staðfesti í gærkvöld að hann væri tilbúinn í slaginn ef þess væri óskað. Hann naut stuðnings flestra ríkja Evrópu í kjörinu.

Frakkinn David Ginola, sem á sínum tíma var kjörinn besti knattspyrnumaðurinn bæði í Frakklandi og á Englandi, hyggst einnig bjóða sig fram. Ginola reyndi það einnig fyrir síðasta kjör en fékk ekki nægilegan stuðning til að fá leyfi til framboðs.

Blatter mun sitja áfram fram að aukaþingi, sem fer fram eftir 6-8 mánuði.

Tengdar fréttir

FIFA-hneyksli

Enn einn skandallinn hjá FIFA

• Mútur, veislur og nudd
• Hægri hönd Blatters áfrýjar 10 ára banni
• Formleg rannsókn hafin á Blatter
• Bannið yfir Platini mildað

» Fleiri tengdar fréttir