Mútur, veislur og nudd

AFP

Brasilískur kaupsýslumaður lýsti fyrir rétti í gær mútugreiðslum, veisluhöldum, ferðalögum með einkaþotum og nuddþjónustu í tengslum við samninga við Alþjóðaknattspyrnusambandið (FIFA).

Fabio Tordin bar vitni fyrir rétti í New York en þar er réttað yfir þremur háttsettum einstaklingum hjá knattspyrnusamböndum í Suður-Afríku. Um er að ræða réttarhöld í tengslum við viðamesta hneykslismál sem hefur komið upp í knattspyrnusögunni.

Tordin er einn þeirra 42 sem blandast inn í FIFA-hneykslið. Hann játaði sök árið 2015 og gerði samkomulag um að endurgreiða 600 þúsund bandaríkjadali, 62,5 milljón króna. Hann starfar nú með bandarískum yfirvöldum gegn þremur þeirra sem eru ákærðir. Réttarhöldin hófust í síðasta mánuði.

Jose Maria Marin, 85 ára fyrrverandi forseti brasilíska knattspyrnusambandsins, fyrrverandi varaforseti FIFA, Juan Angel Napout, 59 ára frá Paragvæ og Manuel Burga, sem stýrði knattspyrnumálum í Perú til ársins 2014. Þeir eru ákærðir fyrir fjárplógstarfsemi, peningaþvætti og samsæri.

Tordin lýsti veislum þar sem samið var um alls konar atburði og keppnir á vegum FIFA. Hvernig þeir hafi þegið háar fjárhæðir í mútur fyrir sýningarétt á knattleikjum og fleira. Jafnvel mótum sem aldrei urðu að veruleika.

Tordin segir að eftir að hafa borðað á ströndinni með Trujillo og yfirmönnum knattspyrnusambands Mið- og Norður-Ameríku, CONCACAF, Alfredo Hawit, Rafael Salguero, og Ariel Alvarado hafi þeir farið inn í hús. Til stóð að sannfæra yfirmenn CONCACAF um að gera samning um markaðsmál. 

mbl.is

Frá Sýrlandi til Evrópu - Greinaflokkur

Gjafabréf á ljósmyndanámskeið
Hægt er að kaupa gjafabréf á öll námskeið á rafrænu formi hjá ljosmyndari.is ...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
100% Láni í boði: Skoda Oktavia.
Bílasalam Start Auglýsir: Vorum að fá í sölu á frábærum kjörum Skoda Oktavi...
Góður GMC Envoy SLT til sölu
Góður bíll til sölu.árgerð 2002 Sjálfskiptur, bensín, 6 cyl lína, 270 hestöfl, ...
 
Kröflulína
Tilkynningar
Mynd af auglýsingu ...
Félagsastarf
Staður og stund
Aflagrandi 40 Opin vinnustofa kl. 9 og s...
Onrs- 2017- 19 ræstingaþjónusta
Tilboð - útboð
/ 14.12.2017 Útboð Orka náttúrunna...
L helgafell 6017121319 vi
Félagsstarf
? HELGAFELL 6017121319 VI Mynd af au...