Gunnhildur Yrsa Jónsdóttir, landsliðskona í knattspyrnu, skoraði í 2:2-jafntefli Stabæk gegn Urædd í norsku úrvalsdeildinni í dag.
Stabæk hefur verið að berjast við efstu liðin í deildinni en Urædd er á botni deildarinnar. Gunnhildur náði að bjarga stigi fyrir Stabæk í dag.
Hún jafnaði metin á 67. mínútu leiksins en hún var að skora annan leikinn í röð. Hún skoraði sigurmarkið gegn Trondheims-Orn í síðustu umferð.
Stabæk er í fjórða sæti deildarinnar með 26 stig.