Alex Song, leikmaður Rubin Kazan og liðsfélagi landsliðsmannsins Ragnars Sigurðssonar vill yfirgefa félagið því leikmenn hafa ekki fengið borgaða krónu frá félaginu síðustu fjóra mánuði. Sky Sports greinir frá þessu í kvöld.
Samkvæmt fréttinni hefur enginn leikmaður Kazan fengið greidd laun í mánuðina fjóra, þar á meðal Ragnar, sem er í láni hjá rússneska félaginu frá Fulham á Englandi.
Rubin Kazan hefur ekki staðið undir væntingum á leiktíðinni og aðeins unnið fimm leiki til þessa og eru Ragnar og félagar í 12. sæti.