Danmörk hafði betur gegn frændum vorum í Færeyjum, 2:0, þegar liðin áttust við í vináttuleik í knattspyrnu karla í Bröndby í Kaupmannahöfn í kvöld.
Pierre-Emile Höjbjerg, miðjumaður Tottenham Hotspur, kom Dönum í forystu eftir aðeins átta mínútna leik.
Mohamed Daramy, sóknarmaður Reims, innsiglaði svo sigurinn á 54. mínútu þegar hann skoraði eftir sendingu frá Christian Eriksen, miðjumanni Manchester United.