Portúgalski knattspyrnuþjálfarinn José Mourinho gæti séð sig stýra liði í Sádi-Arabíu vegna samlanda síns Cristiano Ronaldo.
Mourinho var rekinn frá Roma á Ítalíu í byrjun árs og hefur ekki farið í felur með ósætti sitt.
Leitar hann nú að nýju starfi og í viðtali sagðist hann hafa breytt áliti sínu á að stýra í Sádi-Arabíu vegna Cristiano Ronaldo, sem opnaði augu hans fyrir tækifærunum þar.
Ronaldo gekk til liðs við sádiarabíska liðið Al-Nassr undir lok ársins 2022. Hafa fjölmargir leikmenn síðan fylgt í hans fótspor.