Heimsmeistarar Argentínu unnu Kosta Ríka, 3:1, í vináttulandsleik þjóðanna í knattspyrnu karla í Los Angeles í nótt.
Lionel Messi var fjarri góðu gamni vegna meiðsla en aðrir leikmenn stigu upp í hans fjarveru.
Manfred Ugalde kom Kosta Ríka yfir í fyrri hálfleik en mörk frá Ángel Di María, Alexis Mac Allister og Lautaro Martínez í síðari hálfleik tryggðu Argentínu sigurinn.
Þá kom Víkingurinn Pablo Punyed inn á á 71. mínútu í jafntefli El Salvador gegn Hondúras, 1:1, í nótt.