Slagarinn Sekur með hljómsveitinni Start var eitt síðasta lagið sem ég heyrði áður en ég lagðist á koddann á þriðjudagskvöldið. Var þá að hlusta á útvarpið á leið frá Akranesi þar sem ég sá leik ÍA og Breiðabliks á hinu litla og vonandi óspillta Íslandsmóti í knattspyrnu.
Fyrstu fréttir sem maður varð var við morguninn eftir voru af húsleit í höfuðstöðvum FIFA, Alþjóðaknattspyrnusambandsins í Sviss. Einnig voru margir af forkólfum FIFA handteknir. Eiríkur Hauksson glumdi í höfði mínu syngja: „Aðeins hark og handjárnin.“
Fljótlega áttaði ég mig á því að Íslandsvinurinn Sepp Blatter yrði ekki handtekinn. Í það minnsta ekki í þessari atrennu. Hann slapp við handjárnin en mikið hark er framundan hjá þessum leiðtoga knattspyrnuheimsins síðustu 17 árin.
Sjá viðhorfsgrein Kristjáns Jónssonar í heild í íþróttablaði Morgunblaðsins í dag.