John Geddert, fyrrverandi þjálfari bandaríska kvennalandsliðsins í fimleikum, framdi sjálfsvíg nokkrum klukkustundum eftir að hann var ákærður fyrir mansal og kynferðisbrot.
Dana Nessel, ríkissaksóknari í Michigan, greindi frá þessu.
„Okkur var greint frá því að John Geddert hefði fundist seinnipartinn í dag eftir að hafa framið sjálfsvíg,“ sagði Nessel í yfirlýsingu.
„Þetta er sorglegur endir á sorgarsögu fyrir alla þá sem tengjast henni.“
Geddert, sem átti æfingastöð þar sem kynferðisbrotamaðurinn Larry Nassar starfaði sem læknir, var ákærður í 24 liðum.
Hann átti yfir höfði sér lífstíðardóma hefði hann verið fundinn sekur um sum af þeim brotum sem hann var ákærður fyrir.