Frestun verður á upphafshöggi annars mótsdags PGA-meistaramótsins í golfi eftir banaslys skammt frá Valhalla-vellinum í Kentucky í Bandaríkjunum.
PGA-mótaröðin greindi frá því að öðrum degi mótsins, sem átti að hefjast klukkan 7.15 að staðartíma, hafi verið frestað um óákveðinn tíma.
Rúta í nágrenninu keyrði á hjólreiðamann sem lést samstundis. Engar fleiri upplýsingar liggja fyrir að svo stöddu.