Íslandsmótið í höggleik í golfi hefst á fimmtudaginn á Hvaleyrarvelli í Hafnarfirði og eru allir sterkustu kylfingar landsins skráðir til leiks. Aldrei áður hafa jafnmargir atvinnukylfingar leikið á Íslandsmótinu og einn þeirra er Birgir Leifur Hafþórsson atvinnukylfingur úr GKG. Birgir hefur náð ágætum árangri á Evrópumótaröðinni á tímabilinu. Hann hefur þrívegis fagnað Íslandsmeistaratitlinum og ætlar Birgir að sjálfsögðu að berjast um sigurinn á Íslandsmótinu í ár.

Hörður Þorsteinsson framkvæmdastjóri Golfsambands Íslands sagði á fundi með fréttamönnum í dag að metþátttaka væri á mótinu. Alls hefja 150 kylfingar leik á fimmtudaginn, 122 karlar og 23 konur, en keppendum verður fækkað í karlaflokknum að loknum öðrum keppnisdegi af alls fjórum.

Aðeins þeir sem eru með 4,3 í forgjöf í karlaflokki komust að á mótinu að þessu sinni en það komust færri að en vildu á mótið.

Hvaleyrarvöllur er í fínu ástandi þrátt fyrir mikla þurrka að undanförnu en ýmsar smávægilegar breytingar hafa verið gerðar á vellinum að undanförnu.

Tengdar fréttir

Golf: Íslenska mótaröðin

„Undirritun skjalsins var breytt“

• Íslandsmótið í höggleik í Vestmannaeyjum
• Golfklúbbur Reykjavíkur tekur að sér rekstur Garðavallar
• Ólafur og Heiða slá lengst allra á Íslandi
• Heiðar í 33. sæti eftir fyrsta hringinn í Skandeborg

» Fleiri tengdar fréttir

• 3 blogg um fréttina

Bloggað um fréttina

• Magnús Geir Guðmundsson: Margir kallaðir!
• Kjartan Pétur Sigurðsson: Á íslandi er ótrúlegur fjöldi af golfvöllum og margir möguleikar …
• Eyjólfur Kristinn Vilhjálmsson: Efast um að Birgir Leifur sé sterkasti kylfingur landsins...