Kylfingurinn Birgir Leifur Hafþórsson lék mjög vel á öðrum degi Made in Denmark-mótsins á Evrópsku áskorendamótaröðinni í golfi á Jótlandi í dag. Birgir lék á 67 höggum, eða fimm höggum undir pari vallarins. Birgir fékk fimm fugla og 13 pör í dag.
Birgir fór upp í 12.-19. sætið með spilamennskunni en hann var í 54.-64. sæti eftir hringinn í gær sem hann lék á 71 höggi. Athygli vekur að Birgir hefur ekki fengið einn einasta skolla á hringjunum tveimur.
Hann hefur fengið 30 pör og sex fugla samanlagt á hringjunum tveimur.