Rory McIlroy hefur beðið besta vin sinn um að vera kylfusveinn fyrir sig á síðasta risamóti ársins, PGA-meistaramótinu. Vinurinn, Harry Diamond, mun hefja störf á WGC Bridgestone Invitational mótinu sem hefst á fimmtudag. McIlroy sagði skilið við kylfusvein sinn til níu ára, JP Fitzpatrick, á dögunum og því verður forvitnilegt að sjá hvernig Diamond gengur að halda McIlroy á mottunni.
Risamótið í Quail Hallow verður síðasta tækifæri hans á árinu til að vinna risamót og þá koma í veg fyrir þriðja tímabilið í röð án þess að vinna slíkt mót.
Sjá frétt mbl.is: Níu ára samstarfi Rory og JP lokið