Valur í úrslit eftir dramatík
Sindri Sverrisson
Setja bókamerki
Valskonur leika til úrslita í Coca Cola-bikarnum í handknattleik og geta landað bikarnum fjórða árið í röð, eftir að þær unnu Hauka í miklum spennuleik, 22:20.
Valur byrjaði leikinn mun betur og komst í 5:0 áður en Haukar skoruðu sitt fyrsta mark eftir tæplega 10 mínútna leik. Haukakonur komu sér hins vegar fljótt inn í leikinn eftir það og var staðan 11:9 í hálfleik.
Valur hafði frumkvæðið áfram í seinni hálfleiknum en Haukar gáfust aldrei upp og með Sólveigu Ásmundsdóttur í miklum ham í markinu tókst þeim að jafna metin í 20:20 þegar ein og hálf mínúta var til leiksloka. Morgan Marie McDonald kom Val yfir á nýjan leik með sínu fyrsta marki í næstu sókn, þegar 50 sekúndur lifðu leiks, og Haukar misstu svo boltann. Reynsluboltinn Sigurlaug Rúnarsdóttir gerði svo út um leikinn í lokin.
Rétt eins og þegar Valur sló Hauka út í undanúrslitunum í fyrra var Kristín Guðmundsdóttir afar áberandi í dag en hún skoraði 11 mörk. Marija Gedroit var markahæst Hauka með 7 mörk.
Fylgst var með gangi mála í beinni textalýsingu á mbl.is.
| Valur | 22:20 | Haukar |
|
|---|---|---|---|
| Morgan Marie McDonald (Valur) skoraði mark 50 sekúndur eftir. | |||
Strand skemmtiferðaskips kallar á erlenda aðstoð
„Höfum ekki náð að skríða upp úr þeirri gryfju“
Kaldasti veturinn kom að óvörum
Banna mengandi búnað sem leyfður er á Íslandi
Frambjóðendur skila inn listum í Hörpu
„Umsátursástand“
Krefjast stöðvunar framkvæmda