Handknattleiksmaðurinn Árni Þór Sigtryggsson verður áfram í herbúðum þýska 2. deildarfélagsins Aue fram til ársins 2017 en hann hefur skrifað undir samning þess efnis.
Þetta tilkynnti Árni á Twitter-síðu sinni í dag. Hann kom til Aue sumarið 2013 eftir að hafa verið hjá TSG Ludwigshafen-Friesenheim. Þar áður var hann hjá Bittenfeld og Dormagen.
Hjá Aue leikur Árni undir stjórn bróður síns, Rúnars Sigtryggssonar. Aue er í 8. sæti af 20 liðum í 2. deildinni með 42 stig eftir 36 leiki af 38.
Þá er það klárt. Er búinn að framlengja samninginn minn hjá EHV Aue til 2017 #EHV
— Arni Sigtryggsson (@ArniSigtryggs) May 26, 2015