Handknattleiksmarkvörðurinn, Giedrius Morkunas, verður áfram í herbúðum Íslandsmeistara Hauka á næstu leiktíð en nýr samningur þess efnis var undirritaður fyrr í dag. Morkunas hefur leikið með Haukum undanfarin þrjú ár en verið aðalmarkvörður síðustu tvö ár.
Morkunas fór á kostum með Haukum í úrslitakeppninni um Íslandsmeistaratitilinn í vor. Frammistaða hans með Haukum undanfarin ár hefur m.a. orðið til þess að hann hefur verið kallaður inn í landslið Litháens af og til á undanförnu ári.