Aron Kristjánsson og lærisveinar hans í KIF Kolding tryggðu sér danska meistaratitilinn í handknattleik í kvöld með 21:20 tapi gegn Skjern.
Kolding vann hins vegar fyrri leikinn með sex mörkum, 30:24, og stóð því uppi sem sigurvegari en staðan í hálfleik var 10:7 fyrir Kolding . Því höfðu gestirnir frá Skjern 30 mínútur til þess að vinna upp níu marka forskot sem var einfaldlega of mikið.
Kolding hafði yfirhöndina í síðari hálfleik og segja má að bikarinn hafi aldrei nálgast Skjern sem náði þó góðum fjögurra marka kafla á síðustu 10 mínútunum sem tryggði liðinu eins marks sigur.