Grótta mætti Fjölni á heimavelli sínum, Hertz-höllinni á Seltjarnarnesi í Olís deild kvenna í kvöld. Heimakonur í Gróttu fóru með afar öruggan sigur af hólmi, en lokatölur í leiknum urðu 41:11 Gróttu í vil.
Anna Katrín Stefánsdóttir var langmarkahæst í liði Gróttu með 16 og Berglind Benediktsdóttir var atkvæðamest í liði Fjölnis með fjögur mörk.
Grótta færði sig upp í þriðja sæti deildarinnar með þessum sigri, en liðið hefur 19 stig eftir 11 umferðir. Fjölnir hefur hins vegar átta stig og situr í áttunda sæti deildarinnar.