„Það er erfitt að sætta sig við að fá ekki að minnsta kosti eitt stig,“ sagði Gunnar Andrésson, þjálfari Gróttu eftir að lið hans tapaði naumlega fyrir Val, 25:24, á heimavelli í dag í Olís-deild karla í handknattleik.
„Þrátt fyrir tapið er ég ánægður með margt í þessum leik,“ sagði Gunnar. „Mér leikurinn ágætlega leikinn af beggja hálfu. En við fórum á stundum illa að ráði okkar, til dæmis í stöðunni manni fleiri,“ sagði Gunnar sem segir að mikil framfaramerki séu á sínu liði. Allt annað hafi til dæmis verið að sjá leik liðsins nú á móti viðureigninni á heimavelli Vals í haust.
„Við fórum illa að ráði okkar undir lokin þegar markvörður Valsmanna hrökk í gang,“ sagði Gunnar.
Nánar er rætt við Gunnar Andrésson á meðfylgjandi myndskeiði.