Það er óhætt að segja að nýkrýndir Íslandsmeistarar Hauka hafi dottið í lukkupottinn þegar þeir fengu vinstri hornamanninn Hákon Daða Styrmisson frá ÍBV um áramótin.
Hákoni, sem heldur upp á 19 ára afmælisdag sinn í næstu viku, óx ásmegin jafnt og þétt í Haukabúningnum og sprakk svo algjörlega út í úrslitakeppninni.
Svo fór að lokum að hann endaði sem markahæsti leikmaður úrslitakeppninnar. Hornamaðurinn knái skoraði samtals 94 mörk í tólf leikjum Hauka í úrslitakeppninni eða 7,8 mörk að meðaltali í leik og óhætt er að segja að hann hafi átt stóran þátt í að Haukarnir innbyrtu 11. Íslandsmeistaratitilinn.
Sjá viðtal við Hákon Daða í heild í íþróttablaði Morgunblaðsins í dag.