Landsliðsmaðurinn Rúnar Kárason staðfestir á twitter-síðu sinni að hann muni yfirgefa þýska liðið Hannover-Burgdorf eftir tímabilið.
Rúnar segir að það skýrist annað kvöld til hvaða félags hann muni ganga til liðs við fyrir næstu leiktíð en á dögunum greindi vefur TV2 í Danmörku frá því að danska úrvalsdeildarliðið Ribe-Esbjerg sé í viðræðum við íslenska landsliðsmanninn.
Rúnar hefur mátt sætta sig við að verma varamannabekkinn mikið hjá Hannover-Burgdorf en hann kom til liðsins fyrir fjórum árum.
Jæja, þá er það klárt að við fjölskyldan ætlum að flytja frá Hannover næsta sumar, hvert? kemur í ljós annað kvöld;) https://t.co/N7bC7ssSfW
— Rúnar Kárason (@runarkarason) October 16, 2017