„Ég er ánægð með að við náðum að laga stöðuna og við kláruðum þetta ágætlega,“ sagði Hildur Öder Einarsdóttir, markvörður ÍR, sem átti góðan leik þegar nýliðarnir töpuðu fyrir ÍBV, 22:18, í öðrum leik liðanna í úrslitakeppninni um Íslandsmeistaratitil kvenna í handbolta í Skógarseli í gærkvöld.
„Þetta fer allt í reynslubankann. Þetta eru mest 04- og 05-módel í liðinu og ég er bara ógeðslega gömul á meðan þær eru að spila sína fyrstu leiki í úrvalsdeildinni,“ sagði Hildur í viðtali í Punktalínunni á Símanum Sport en ÍBV vann einvígið 2:0 og mætir Val í undanúrslitum.
Nýliðar ÍR komu á óvart með því að halda sæti sínu örugglega og komst í úrslitakeppnina og hafa nú lokið keppni á Íslandsmótinu.
Viðtalið í heild má sjá í spilaranum.