Með þyngstu dómum hérlendis
Setja bókamerki
Landsliðsmennirnir úr íshokkíliði Esju, Björn Róbert Sigurðarson og Steindór Ingason, hafa verið dæmdir í langt keppnisbann vegna ólöglegrar lyfjanotkunar.
Voru þeir dæmdir í fjögurra ára keppnisbann frá 6. september á þessu ári eða frá undirritun bráðabirgðabanns sem sett var á eftir að tvímenningarnir féllu á lyfjaprófi hjá lyfjaeftirliti ÍSÍ.
Sterar fundust í sýni þeirra Björns og Steindórs og játuðu þeir inntöku efnisins skilyrðislaust. Fóru þeir fram á refsilækkun vegna þessa en dómstóll ÍSÍ dæmdi þá hins vegar í jafn langt bann og Lyfjaráð ÍSÍ fór fram, eða fjögur ár.
Fá dæmi eru um jafn þunga dóma í íslensku íþróttalífi vegna lyfjamisferlis.
Björn og Steindór urðu Íslandsmeistarar með Esju síðasta vetur og er dómurinn því áfall fyrir lið Esju. En einnig fyrir íslenska landsliðið því Björn hefur verið einn snjallasti leikmaður Íslands síðustu árin og Steindór hefur einnig leikið með landsliðinu.
Gígbarmurinn hækkað frá því í gær
„Umsátursástand“
/frimg/1/48/74/1487454.jpg)
Heldur inn í nóttina tuttugu kílóum léttari
Sex hafa greinst með listeríu
Væri að ljúga ef ég segðist ekki stressaður
Telur forsendur fyrir vaxtalækkun
Banna mengandi búnað sem leyfður er á Íslandi
Kaldasti veturinn kom að óvörum