Allen tryggði Boston nauman sigur
Setja bókamerki
Boston Celtics komst á sigurbraut á ný eftir slæmt gengi undanfarið en þurfti framlengingu og þriggja stiga körfu frá Ray Allen til að sigrast á Portland Trail Blazers i Boston í nótt, 98:95.
Allen hafði átt einn sinn slakasta leik á tímabilinu og hitti aðeins úr þremur af fjórtán skotum sínum í venjulegum leiktíma. En þegar mest lá við undir lok framlengingarinnar skoraði hann sigurkörfuna með glæsilegu langskoti.
„Hann hefur gert þetta svo oft að það var engin ástæða til að efast um að hann gæti það aftur. Skotmenn halda áfram að skjóta og maður hugsar bara sem svo að hvert skot sem geigar eykur líkurnar á að það næsta fari niður," sagði Doc Rivers þjálfari Boston sem hélt tryggð við Allen til loka leiksins.
Paul Pierce var stigahæstur hjá Bolton með 24 stig en Andre Miller gerði 28 stig fyrir Portland. Boston hafði tapað þremur heimaleikjum í röð á versta kafla sínum á tímabilinu.
Kobe Bryant skoraði 27 stig fyrir Lakers og Lamar Odom tók 14 fráköst þegar liðið vann útisigur á New York Knicks, 115:105.
Dwyane Wade skoraði 32 stig fyrir Miami Heat í öruggum útisigri á Washington Wizards, 112:88.
Úrslitin í nótt:
Orlando - Sacramento 100:84
Philadelphia - Dallas 92:81
Toronto - Milwaukee 101:96
Washington - Miami 88:112
Atlanta - Charlotte 103:89
Boston - Portland 98:95 (framlenging)
Detroit - Indiana 93:105
Memphis - Oklahoma City 86:84
Minnesota - New Orleans 96:94
New York - LA Lakers 105:115
San Antonio - Houston 109:116
Golden State - New Jersey 111:79
Phoenix - Chicago 104:115
Vanalega að ákveða sig í kjörklefanum en ekki núna
Mun fleiri horfðu til Höllu en Katrínar í könnun
/frimg/1/49/61/1496139.jpg)
„Þetta er sannkölluð lýðræðisveisla“
/frimg/1/49/60/1496092.jpg)
„Það er ekki leiðum að líkjast“
Íslandsbanki greiðir 570 milljónir í sekt
„Sérstök upplifun að kjósa sjálfan sig“
„Skoðanakannanirnar eru ekkert alveg með þetta“
Má mikið breytast ef Halla verður ekki forseti