Hlynur og Jakob sænskir meistarar
Setja bókamerki
Hlynur Bæringsson og Jakob Sigurðarson urðu rétt í þessu sænskir meistarar í körfuknattleik þegar lið þeirra Sundsvall Dragons sigraði fráfarandi meistara í Norrköping Dolphins 102:83 í oddaleik um titilinn og samtals 4:3 í úrslitarimmunni eftir að hafa lent 2:3 undir.
Jakob fór á kostum í oddaleiknum og var stigahæstur á vellinum með 31 stig þar af gerði hann 26 í fyrri hálfleik. Hittni Jakobs var stórbrotin í leiknum því hann setti niður 7 af 11 þriggja stiga skotum sínum, 3 af 5 innan teigs og 4 af 5 á vítalínunni.
Hlynur Bæringsson skoraði 9 stig og reif niður 9 fráköst eða flest allra á vellinum. Hann er á fyrsta ári sínu hjá Sundsvall og Jakob á sínu öðru tímabili.
Svíinn Peter Öqvist stýrir liði Sundsvall en hann var á dögunum ráðinn þjálfari karlalandsliðs Íslands. Hann gerði Sundsvall einnig að meisturum árið 2009.
„Sérstök upplifun að kjósa sjálfan sig“
Fékk ekki að kjósa á kjörstað
Jón stólar á Reykvíkinga
Vanalega að ákveða sig í kjörklefanum en ekki núna
„Skoðanakannanirnar eru ekkert alveg með þetta“
Halla: Mér líður ótrúlega vel
Sjöundi forseti Íslands kjörinn í dag
Katrín óskar Höllu til hamingju