Körfuboltamaðurinn Kári Jónsson var valinn íþróttamaður vikunnar hjá Drexel-háskólanum eftir frábæra frammistöðu í 78:72-sigri á liði High Point um helgina.
Kári skoraði 25 stig í leiknum en hann setti niður 7 af 12 þriggja stiga skotum sínum. Þristana má sjá í meðfylgjandi myndskeiði. Kári hefur skorað úr 47,8% þriggja stiga skota sinna á leiktíðinni og er þriðji stigahæsti leikmaður Drexel Dragons, sem hafa unnið fjóra af átta leikjum sínum.
Here's all seven of Kari Jonsson's triples in our W at High Point on Saturday. A very deserving @DrexelSOE Athlete of the Week indeed! pic.twitter.com/MZLCX8Y4QU
— Drexel Dragons MBB (@DrexelMBB) December 6, 2016