Darri Hilmarsson er umtalaður fyrir góðan varnarleik og mbl.is spurði hann hvernig hefði verið að kljást við Tobin Carberry sem vakið hefur mikla athygli hjá Þór í vetur og hjá Hetti í fyrra.
Darri var settur til höfuðs Carberry á köflum í bikarúrslitaleik KR og Þórs í dag þar sem KR hafði betur 78:71.
„Það er mjög krefjandi. Hann er með þeim sneggstu sem maður hefur dekkað. Mér fannst ég standa mig mjög vel. Mér fannst hann aldrei skora á mig en samt skoraði hann 28 stig,“ sagði Darri og hló.
Viðtalið við Darra í heild sinni er að finna í meðfylgjandi myndskeiði