Stjarnan er komin í undanúrslit Dominos-deildar karla í körfubolta eftir 75:72 sigur á ÍR í þriðja leik liðanna. Stjarnan vann einvígið 3:0 og er ÍR komið í sumarfrí.

Byrjunin á leiknum var ansi svipuð byrjuninni í síðasta leik liðanna. ÍR skoraði fyrstu níu stigin og komst Stjarnan ekki á blað fyrr en eftir tæplega fimm mínútna leik. Stjörnumenn voru hins vegar fljótir að jafna eftir það, en ÍR-ingar höfðu 16:15 forystu eftir fyrsta leikhluta.

Stjörnumenn voru sterkari aðilinn í 2. leikhluta og unnu hann með sjö stiga mun. Staðan var 33:28, í leik þar sem varnarleikur liðanna var töluvert betri en sóknarleikurinn, eins og tölurnar gefa til kynna. ÍR-ingar þurftu meira framlag frá Matthíasi Orra Sigurðarsyni og Danero Thomas í seinni hálfleik, en þeir skoruðu samanlagt aðeins fimm stig í hálfleiknum.

Munurinn hélst í 4-8 stigum allan þriðja leikhluta og var staðan fyrir fjórða og síðasta leikhlutann 53:49, Stjörnunni í vil. ÍR-ingar náðu að jafna í 57:57 snemma í fjórða leikhluta, en þá skoruðu Stjörnumenn næstu tíu stig og breyttu stöðunni í 67:57.

ÍR-ingar neituðu að gefast upp, því Matthías Orri Sigurðarson skoraði þriggja stiga körfu 32 sekúndum fyrir leikslok og minnkaði muninn í 75:72. Sigurkarl Róbert Jóhannesson fékk tækifæri til að jafna í blálokin en þriggja stiga skot hans geigaði.

Matthías Orri spilaði töluvert betur í seinni hálfleik og var hann stigahæstur ÍR-inga með 21 stig. Hlynur Bæringsson skoraði 20 fyrir Stjörnuna. 

Quincy Hankins-Cole reynir að verjast Hlyn Bæringssyni í kvöld. mbl.is/Golli

Stjarnan	75:72	ÍR	Opna lýsingu Loka
99. mín. skorar
Augnablik — sæki gögn...

Stjarnan - ÍR 75:72

• Ásgarður, Úrvalsdeild karla, 22. mars 2017.
• Gangur leiksins:: 0:4, 2:9, 9:11, 15:16, 17:20, 24:24, 26:26, 33:28, 42:33, 44:41, 48:43, 53:49, 59:57, 67:59, 69:64, 75:72.
• Stjarnan: Hlynur Elías Bæringsson 20/10 fráköst, Anthony Odunsi 10, Marvin Valdimarsson 10/4 fráköst, Justin Shouse 9/4 fráköst/7 stoðsendingar, Tómas Heiðar Tómasson 7, Tómas Þórður Hilmarsson 7/4 fráköst, Eysteinn Bjarni Ævarsson 7/6 fráköst, Arnþór Freyr Guðmundsson 3/4 fráköst, Ágúst Angantýsson 2.
• Fráköst: 32 í vörn, 6 í sókn.
• ÍR: Matthías Orri Sigurðarson 21/10 fráköst, Quincy Hankins-Cole 14/14 fráköst/4 varin skot, Sveinbjörn Claessen 10, Hákon Örn Hjálmarsson 9, Trausti Eiríksson 5, Danero Thomas 4/6 fráköst, Kristinn Marinósson 3, Daði Berg Grétarsson 3, Sigurkarl Róbert Jóhannesson 2, Sæþór Elmar Kristjánsson 1.
• Fráköst: 26 í vörn, 9 í sókn.
• Áhorfendur: 832

Tengdar fréttir

Úrslitakeppnin í körfubolta

Miðar á oddaleikinn í forsölu á netinu

• Snýst ekki um mat á pappír
• Aftur vann Grindavík
• Andrúmsloftið í úrslitunum minnir á háskólaárin
• Keflavík Íslandsmeistari

» Fleiri tengdar fréttir

• Blogga um frétt