Alþjóða körfuboltasambandið, FIBA, gaf í gær út nýjan styrkleikalista. Ísland er meðal þeirra þjóða sem hækka hve mest á listanum eftir að hafa komist á Evrópumótið í Finnlandi í sumar.
Ísland var í 84. sæti listans en fer upp í 47. sæti. Annars er lítið sem kemur á óvart á listanum. Efstu fjögur liðin eru óbreytt. Evrópumeistarar Slóvena fara úr 12. sæti yfir í 7. sæti.
Bandaríkin eru í efsta sæti, Spánn í 2. sæti, Serbía í þriðja sæti og Frakkland í 4. sæti.