Það var nóg um að vera í bandarísku NBA-deildinni í körfubolta í nótt. Sex leikir voru á dagskrá frá því í gærkvöldi og er það ávallt ávísun á mikla skemmtun.
Denver Nuggets hafði betur gegn San Antonio Spurs á heimavelli Spurs-manna, 106:117, en nýliðinn Victor Wembanyama var með 17 stig og níu fráköst í gær.
Serbinn Nikola Jokic hélt þó áfram sínu góða gengi en hann hefur staðið sig með prýði á þessu tímabili með að meðaltali 26 stig, 12 fráköst og 9 stoðsendingar í leik.
Hann var drjúgur í gær í sigrinum og skoraði 31 stig auk þess að vera með 7 fráköst og 5 stoðsendingar og sigldi sigrinum heim fyrir Denver-menn.
Úrslit næturinnar:
Detroit Pistons - Miami Heat 95:108
Charlotte Hornets - Phoenix Suns 96:107
Toronto Raptors - Orlando Magic 103:113
New Orleans Pelicans - Los Angeles Clippers 112:104
San Antonio Spurs - Denver Nuggets 106:117
Utah Jazz - Atlanta Hawks 124:122