Hæstánægð með Stjörnustelpurnar

Landsliðskonan reynda Sara Rún Hinriksdóttir var ánægð með mótherja hennar í Stjörnunni í undanúrslitum Íslandsmótsins í körfuknattleik á dögunum. 

Keflavík mætir Njarðvík í fyrsta leik liðanna í úrslitaeinvíginu í Keflavík í klukkan 20:15 í kvöld.

Keflavík, sem vann deildina með miklum yfirburðum og er bikarmeistari, lenti í vandræðum gegn ungum og ferskum Stjörnustúlkum. Að lokum sigraði Keflavík þó í oddaleik, 3:2, eftir frábært einvígi.  

Mbl.is náði tali á Söru fyrir einvígið og fór yfir víðan veg. Meðal annars var undanúrslitaeinvígið rætt. 

Frétt af mbl.is

Hvor nær yfirhöndinni í Reykjanesbæ?

Voru allar að stíga upp

„Ef tölfræðin er skoðuð þá sér maður að allir leikmenn Stjörnunnar voru að stíga upp og spila betur en á tímabilinu. 

Þær spila aðeins öðruvísi körfubolta núna. Áður voru þær með mismunandi kerfi en nú er bara eitt „pick and roll“ og leikmenn frjálsari.

Þær eru ótrúlega góðar í því og Arnar [Guðjónsson, þjálfari] hjálpaði þeim mikið er kom að því. 

Mér finnst líka flott að sjá unga leikmenn lesa leikinn. Þær toppuðu sig alveg á hárréttum tíma,“ sagði Sara meðal annars. 

• Blogga um frétt