Borðtennismót Reykjavíkurleikana fór fram í TBR-Íþróttahúsinu í Laugardal um helgina. Keppt var í karla- og kvennaflokki þar sem allt besta borðtennisfólk landsins lék ásamt gestum frá Svíþjóð, Ungverjalandi og Póllandi.
Í karlaflokki léku til úrslita Svíinn Magnus Karl Markku og Daði Freyr Guðmundsson. Leikurinn var mjög skemmtilegur en hin sænski Magnus sigraði 4–0 (11–7, 11–7, 11–6 og 12–10).
Kolfinna Bjarndóttir og Aldís Rún Lárusdóttir léku til úrslita í kvennaflokki. Leikurinn var æsispennandi og þurfti að spila sjö lotur til að knýja fram úrslit. Kolfinna sigraði að lokum 4–3 en loturnar fóru 12-10, 15-17, 7-11, 9-11, 11-8, 11-7 og 12-10.