Ólafsfjarðaráin opnuð

Könnunarleiðangur á vegum SVAK fór fram í fyrradag, 16. júlí, í Ólafsfjarðará. Fór þar formaðurinn við þriðja mann að skoða aðstæður og renna fyrir bleikju. 

Segir orðrétt á heimasíðu félagsins: „Það er skemmst frá því að segja að mikið vatn var í ánni eins og í svo mörgum ám þessa dagana. Veiðin var róleg en formaðurinn náði þó í soðið og varð töluvert var og sá einn af stærri gerðinni sem hann ákvað að leyfa öðrum veiðimönnum að njóta.“

Formlegur opnunardagur var síðan í gær og vonandi hafa veiðimenn haft það gott þennan  dag í þessari skemmtilegu á en engar fregnir hafa enn borist af aflabrögðum.

Þess má svo geta að á vef SVAK eru laus veiðileyfi í síðari hluta ágúst og september ef veiðimenn vilja koma sér í skemmtilega bleikjuveiði þegar fer að síga á seinni hlutann af veiðitímabilinu.

Skoða má fréttina og laus veiðileyfi hér: http://www.svak.is/default.asp?content=frettir&frId=3&id=1180

• Blogga um frétt

Seinustu hundraðkallar sumarsins