Samkvæmt upplýsingum frá Skotveiðifélagi Íslands þá voru bara tvö útköll til björgunarsveita vegna skotveiðimanna á þessu rjúpnaveiðitímabili.
Komu þessar upplýsingar frá Slysavarnafélaginu Landsbjörgu sem sögðu að aðeins hefði verið um tvö útköll að ræða sem má rekja til rjúpnaveiðimanna á þessu veiðitímabili. Var annað þeirra reyndar afturkallað, en hitt útkallið snerist um að hjálpa tveimur veiðimönnum aftur að bifreið sinni og var því minniháttar.
Segja forsvarmenn Skotveiðifélagins að þetta hljóti að teljast frábær árangur, sérstaklega þegar tekið er tillit til þess að tæplega 5.000 manns ganga til rjúpna yfir veiðitímabilið og þá oft í rysjóttu veðri og við erfið skilyrði.
Útköllum björgunarsveita vegna rjúpnaveiðimanna hefur almennt fækkað mikið undanfarin ár og er það ekki síst vegna þess að veiðimenn eru í mun betur undirbúnir, auk aukinnar notkunar GPS staðsetningarbúnaði og farsímum.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |