Veiðikynning hjá Lax-Á

Fram kemur kemur í sérstakri tilkynningu frá veiðifélaginu Lax-Á að fyrsta svokallaða klúbbkvöld vetrarins fyrir meðlimi í vildarklúbbi félagsins verður haldið á næstkomandi fimmtudag.

Vildarklúbbur Lax-Á er fræðslu og skemmtiklúbbur um veiði á vegum Lax-Á og meðlimir fá einnig send sérstök tilboð á veiðileyfum. Aðgangur í klúbbinn er öllum opinn og er ókeypis.  

Klúbbfélagar munu eiga notalega stund saman í húsakynnum félagsins, svokölluðu „Trophy Lodge“, þar sem kynnt verður laxveiði á Kolaskaga í Rússlandi auk kynningar á veiðibúðum félagsins á Grænlandi.

Árni Baldursson hefur farið til veiða í Rússlandi um árabil og hefur hann veitt þar marga laxa í yfirstærð. Mun Árni og Jóhann Davíð Snorrason verða með kynningu á veiðunum þar og gott ef nokkrum veiðisögum verður ekki slætt með.

Lax-Á hefur rekið veiðibúðir í Grænlandi undanfarin ár með góðum árangri og mun Jóhann Torfi kynna ferðir þangað og sýna ykkur gullfallegar myndir af svæðinu.

Klúbbkvöldið verður haldið á milli klukkan 18:00 og 20:00 þann 19. nóvember og fer fram í „Trophy Lodge“ Lax-Á að Akurhvarfi 16 í Kópavogi. 

• Blogga um frétt

Seinustu hundraðkallar sumarsins