Verslunin Veiðiflugur við Langholtsveg mun halda sína árlegu Veiðimessu núna um helgina. Forsvarsmenn verslunarinnar sendu eftirfarandi tilkynningu í tilefni að veiðimessunni.
Veiðiflugur, sérverslun fluguveiðimannsins, fagnar komu sumars og upphafi laxveiðitímabilsins með hinni árlegu Veiðimessu nú um helgina.
Margt fróðlegt verður í boði fyrir veiðimenn á laugardag og sunnudag. Kynning verður á nýjum fluguveiðistöngum frá Loop og Echo sem hafa hlotið frábærar umsagnir frá því þær komu á markað. Þá gefst veiðimönnum kostur á að fræðast um Nautilus-hjólin sem ásamt Einarsson-hjólunum virðast þau bestu á markaðnum í dag. Sérkjör verða á veiðiflugum og línum og tilboð á öndunarvöðlum og skóm.
Á vordögum tóku nýir eigendur við Veiðiflugum sem á sama tíma sameinaðist Veiðibúðinni Kröflu. Veiðimessan hefur ávallt markað upphaf veiðisumarsins og á því verður engin breyting í ár. Boðið verður upp á léttar veitingar og kveikt verður á grillinu og happadrætti með veglegum vinningum, meðal annars veiðileyfum.
Kastkennsla verður í boði fyrir börn og unglinga á laugardag kl. 11:00 og aftur kl. 14:00. Þar gefst fluguveiðimönnum framtíðarinnar tækifæri til að læra réttu handtökin undir leiðsögn kastkennara. Þá gefst öllum sem eiga leið í Veiðiflugur kostur á að taka þátt í happdrætti þar sem til mikils er að vinna.
Veiðiflugur eru til húsa að Langholtsvegi 111 í Reykjavík og stendur hátíðin frá kl. 10:00-18:00 á laugardag og 11:00-16:00 á sunnudag.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |