Samkvæmt upplýsingum frá Orra Vigfússyni hjá Laxárfélaginu kom enn og aftur risalax á land í morgun í Laxá í Aðaldal.
Að þessu sinni kom 110 cm hængur á land af Spegilflúð og tók hann fluguna Wolfowich númer 10. Það var færeyski veiðimaðurinn Morten A. Carlsen sem setti í tröllið, en hann hefur veitt í Aðaldalnum um árabil og landað mörgum stórlöxum þar Morten er búinn að vera nokkra daga á svæði Laxárfélagsins og hefur landað nokkrum löxum um og yfir 20 pundum, en þessi er sá langstærsti.
Einungis nokkrir dagar eru síðanHafsteinn Orri Ingvason landaði 105 cm hrygnu af Spegilflúð og í fyrradag veiddist annar 110 cm hængur af Breiðeyri. Mikið hefur verið af stórfiski í Laxá í sumar en göngur smálaxa hafa brugðist.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |