Vikulegar veiðitölur Landssambands veiðifélaga

Nýjar vikulegar veiðitölur frá Landssambandi veiðifélaga um laxveiði á landinu birtust á vef félagsins í nótt.  Nær samantektin yfir veiði vikuna 1. til 7. september og fyrir þá sem fylgst hafa reglulega með þeim er þar til breyting og veiðin á flestum stöðum orðin róleg og ber keim af því að langt er liðið á veiðitímann. 

Veiðin í Ytri-Rangá hefur þó tekið nýjan og mikinn kipp eftir að opnað var fyrir maðka- og spúnaveiði um síðustu helgi og veiddust þann dag 186 laxar.  Er hún langefst á listanum og með vikveiði upp á 1119 laxa.  Miðfjarðará í Húnaþingi í næsta sæti fyrir neðan og er sem fyrr langefst á listanum yfir sjálfbæru veiðiárnar. 

Ekki höfðu borist vikutölur úr Laxá í Aðaldal en líklega er hún komin yfir 1000 laxa heildarveiði og eru þá allar 10 efstu árnar komnar yfir þá tölu.

Tíu efstu veiðiárnar samkvæmt nýjustu vikutölunum eru þessar:

1. Ytri-Rangá               7.428 laxar (vikuveiði 1119)
2. Miðfjarðará              3.677 laxar (vikuveiði 174)
3. Eystri-Rangá            2.976 laxar (vikuveiði 118)
4. Blanda                     2.330 laxar (vikuveiði 35)
5. Þverá/Kjarrá            1.808 laxar (vikuveiði 53)
6. Norðurá                   1.297 laxar (vikuveiði 79)
7. Haffjarðará              1.218 laxar (vikuveiði 40)
8. Langá                      1.159 laxar (vikuveiði 53)
9. Laxá í Dölum            1.021 laxar (vikuveiði 49)
10. Laxá í Aðaldal             962 laxar (vikutölur ekki borist)

Nánar má kynna sér þessar upplýsinga hér.

• Blogga um frétt

Seinustu hundraðkallar sumarsins