Veiði | mbl | 15.9.2016 | 13:45 | Uppfært 16.9.2016 8:23

110 cm hængur í Vatnsdalsá

Hörður Bender með 110 cm hæng sem hann fékk í Vatnsdalsá. Ljósmynd Magnús Ásgeirsson

Einn stærsti lax vertíðarinnar kom á land í Vatnsdalsá í morgun þegar Hörður Bender tók 110 cm hæng á Blue Charm númer 12 í Áveituhyl. Landaði Hörður laxinum eftir 45 mínútna viðureign í hylnum fyrir neðan, Hofshyl.

Er þetta stærsti lax sumarsins í Vatnsdalsá en áður höfðu veiðst 109 cm lax og 108 sm lax. Hinn síðari veiddi breski tónlistarmaðurinn Eric Clapton. Stærsti lax sumarsins á Íslandi er hins vegar 120 cm lax sem veiddist á dögunum í Laxá í Aðaldal.

Þess má geta að á morgunvaktinni í Vatnsdal veiddust tveir laxar, fyrrnefndur 110 cm lax og 102 cm lax sem ljósmyndarinn Kjartan Þorbjörnsson (Golli) veiddi í Vaðhvammi, næsta hyl fyrir ofan Áveituhyl. Meðallengd laxanna er því 106 cm.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.