Veiði | mbl | 16.9.2016 | 22:28 | Uppfært 17.9.2016 18:15

Einn stórlaxinn enn á land í Nesi

Björn með stórlaxinn úr Oddahyl fyrr í kvöld. Sturla Birgisson

Samkvæmt fréttum frá Nesi í Aðaldal kom enn eitt tröllið á land þar i dag sem er nálægt 30 punda múrnum.

Það var Björn K. Rúnarsson sem veiddi 110 cm hæng í Oddahyl, en Björn hefur marga ölduna sopið í viðureign við stórlaxa í Vatnsdalsá í Húnaþingi og hefur unnið þar sem leiðsögumaður um árabil. Tók sá stóri Frigga í þýsku fánalitunum, svokallaðan þýskan Frigga. Aðeins eru nokkrir dagar síðan að 110 cm lax veiddist á litla Blue Charm flugu í Áveituhyl í Vatnsdalsá í Húnavatnssýslu.

Með þessum laxi Björns í daga hefur tekist að landa fimm löxum sem í sumar sem eru 110 cm eða stærri og hafa fjórir þeirra kom á land í Laxá í Aðaldal. Sá stærsti, 120 cm hængur, kom á land af Óseyri á Nessvæðinu þann 1. september.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.