Veiði lokið í Þverá/Kjarrá

Veiði lauk í Þverá og Kjarrá í Borgarfirði síðastliðið mánudagskvöld og lokaði sú síðarnefnda með hvelli.  Lokaveiðitölur liggja þó ekki alveg fyrir þar sem enn er verið að fara yfir veiðibækur. 

Að sögn Hallgríms H. Gunnarssonar leiðsögumanns við Kjarrá þá var úrvalsliði matreiðslumanna, með nokkra landsliðskokka innanborðs, sem lokaði ánni í ár og veiddu þeir í tvo og hálfan dag, frá 10. til 12 september.  Veiddi hópurinn alls 46 laxar og þar af tvo maríulaxa. 

Það hafði rignt og vaxið í ánni og þegar hópurinn mætti og var takan grimm fyrsta hálfa daginn. Veiddust 10 laxar á fyrstu vakt, allt á smáflugur, en svo hélt áfram að rigna og hækkaði vel í ánni og kólnaði og þá fóru keilutúpurnar að gefa vel.

Það var Sigurjón Bragi Geirsson sem veiddi stærsta laxinn, 94 cm hæng, í Efri Johnson og tók 40 mínútur að landa þessum Kjarrárhöfðingja. 

Fram kom hjá Hallgrími að mest hafi menn orðið varir við fiski á Gilsbakkaeyrunum, Rauðabergshyljunum en einnig veiddust laxar í E.P. sem er skammt ofan við Efra Rauðaberg.  Neðarlega í ánni var töluvert af fiski í Fálkastrengjum og veiddust þar nokkrir laxar.

Tæplega 80cm hryggna veidd af Viktori Erni Andréssyni landsliðskokki og keppanda í BOCUSE D'OR sem fram fer í Frakklandi í febrúar. Laxinn veiddist ofarlega á Gilsbakkaeyrunum. Hallgrímur H. Gunnarsson

• Blogga um frétt

Seinustu hundraðkallar sumarsins