Veiði | mbl | 7.10.2016 | 11:18

Lokatölur birtast úr laxveiðiánum

102 cm hængur sem kom á land undir lok veiðitímans úr gilinu neðan Kambsfoss í Austurá í Miðfirði. midfjardara.is

Samkvæmt upplýsingum af vef Landssamband veiðifélaga þá eru lokatölur komnar úr flestum laxveiðiám landsins og er veiði er lokið í þeim öllum, nema í hafbeitaránum í Rangárvallasýslum. Þá er enn veiddur sjóbirtingur í nokkrum ám á Suðurlandi til 20. október.

Tólf laxveiðiár náðu því markmiði að fara yfir 1000 laxa. Varðandi listann yfir efstu árnar þá er líkt og áður Ytri-Rangá langefst á listanum með tæplega 8.722 laxar. Miðfjarðará í Húnaþingi í næsta sæti fyrir neðan er með heildarveiði upp 4.338 laxa, en þar lauk veiði 20. september.

Þær tólf veiðiár sem náðu að fara yfir meira en 1000 veidda laxa í sumar:

Ytri-Rangá 8.935 laxar (vikuveiði 213)
Miðfjarðará 4.338 laxar (Lokatala)
Eystri-Rangá 3.219 laxar (vikuveiði 22)
Blanda 2.386 laxar (Lokatala)
Þverá/Kjarrá 1.902 laxar (Lokatala)
Laxá í Dölum 1.711 laxar (Lokatala)
Langá 1.433 laxar (Lokatala)
Haffjarðará 1.305 laxar (Lokatala)
Norðurá 1.297 laxar (Óstaðfest lokatala)
Laxá í Aðaldal 1.207 laxar (Lokatala)
Víðidalsá 1.137 laxar (lokatala)
Haukadalsá 1.056 laxar (Lokatala)

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.