Ný umhverfisvæn tækni í laxeldi

Sjávarútvegsráðuneyti Noregs hefur veitt fjögur framleiðsluleyfi  til fyrirtækjanna Hauge Aqua og Marine Harvest sem grundvölluð verður á nýrri umhverfisvænni tækni í fiskeldi úti á sjó og fram fer í lokuðum kerfi sem kallast „Eggið“.

Marine Harvest er eitt stærsta sjávarútvegsfyrirtæki heims og stærsti framleiðandi á eldislaxi á heimsvísu. Hauge Aqua var stofnað árið 2012 með það að markmiðið að þróa nýja tækni innan fiskeldisiðnaðarins.

Um er að ræða eins konar „egg“ sem komið er fyrir út á sjó og segja þeir sem til þekkja að þarna sé framtíðin í fiskeldinu komin fram í sátt við umhverfið.  Í þessu „eggi“ næst öll heildarstjórnun á eldinu og komið er í veg fyrir að saur og úrgangur berist út í umhverfið. Þá er engin hætta á lúsafaraldri, smiti eða að fisksjúkdómar úr eldinu berist út í umhverfið.

Þá er tryggt með þessari tækni að enginn fiskur sleppi út og þar með hverfur hætta á erfðamengun í nærliggjandi laxveiðiám vegna flökkulaxa. 

Fram kemur að áætlaður kostnaður á hverja framleiðslueiningu er á bilinu sjö til átta milljónir Bandaríkjadala.

Sjá má kynningarmyndband um þessa tækni hér.

Hauge Aqua

• Blogga um frétt

Seinustu hundraðkallar sumarsins