Veiðin í Hofsá fer ágætlega af stað og þykjast menn þar eystra sjá mikil batamerki á henni frá því síðasta sumar þegar veiði var þar afar döpur. Í morgun var stórfiski landað úr ánni.
Það var Haraldur Þórðarson sem setti í laxinn á veiðistaðnum Wilson Run á svæði 5 og var honum landað eftir langa og harða baráttu í Háhólmahyl sem er nokkur hundruð metrum neðar. Var laxinn 103 cm hængur, mjög ferskur en þó ekki lúsugur. Tók hængurinn stóri eins tommu langa túpu sem kallast skáskorinn Skuggi og er hönnuð af Sigurði Héðni fluguhnýtara.
Í morgun voru 72 laxar komnir á land en áin opnaði þann 30. júní síðastliðinn.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |